Kresala zineklubaren programazio berriak klasikoak eta aurkikuntzak izango ditu

Autore-zinemaren zaleek hitzordua dute bi astelehenean behin Donostiako Trueba zineman, 19:30ean.  1972tik, Estatuko bigarren zineklub zaharrena den Kresalak zinema-kritikariak, zinemagileak eta adituak gonbidatzen ditu programatutako film luze eta laburrak jendaurrean aurkeztera eta, proiekzioaren ondoren, tertulian aritzera. 

Programazio berri honetan, Kresala taldea osatzen duten zinema-zaleek bi klasiko handirekin ireki eta itxiko dute denboraldi berria: Stanley Kubrick-en '2001, una odisea del espacio' (1968) eta John Ford-en '¡Qué verde era mi valle!' (1941). Bi maisulan horien artean, apustu interesgarriak eta, seguru asko, zinema munduan etorkizun handia izango duten zinemagileak eta ekoizpenak. 

Egitaraua

Apirilak 10 – '2001, una odisea del espacio' (Stanley Kubrick, 1968)

Gonbidatua: Víctor Iriarte, Tabakalerako ikusentzunezko programazioaren arduraduna. 

Apirilak 24 – 'El hombre que quiso ser segundo' (Ramón Alós, 2014)

Gonbidatua: Ramón Alós, filmaren zuzendaria.

Maiatzak 15 – 'La región salvaje' (Amat Escalante, 2016)

Gonbidatua: Begoña del Teso, zinema-kritikaria.

Maiatzak 22 – FILM LABURRA + LUZEA: 'Adri' (Estibalitz Urresola, 2013) + 'Bella y perdida' (Pietro Marcello, 2015)

Gonbidatua: Estibalitz Urresola, film laburraren zuzendaria.

Maiatzak 29 – '¡Qué verde era mi valle!' (John Ford, 1941)

Gonbidatua: Diego Soto, zinema-gidoilaria eta TCM telebista-katearen komunikazio arduraduna. 

Saio bakoitzaren inguruan informazio gehiago eskuratzeko, Kresalaren web-orria kontsultatu.