Helburuak
EZAE elkarteak honako helburu eta erronkak ditu:
- EZAE Euskadiko zinema areto pribatu gehienak batzeko eta haien ordezkari izateko gaitasuna duen elkarte bihurtzea.
- Kultur arloan, EZAE elkarteko kide diren zinema areto pribatuek eginiko lana nabarmentzea. Administrazio publiko eta instituzio pribatuen aurrean ere, industria eta kultur sareetan sektore honek duen garrantzia agerian uztea.
- EZAE zinema areto pribatuen kolektiboaren lehen ordezkari bihurtzea administrazio eta instituzioei begira.
- Zinema kulturaren eta bazkideen jardueren sustapena, komunikazioa eta hedapena.
- Zinema areto pribatuen egungo kultur guneak iraunarazi eta dinamizatzea.
- Bazkideen jarduerak eta ekipamenduak Euskadiko kultur sarean integratzea.
- Hedapenerako bateratuak eta komunak diren lan eta mekanismo sareak sortuzea.
- Ertainak eta txikiak diren zinema areto pribatuei zuzenduriko babes berezia lortzea.
- EZAE elkarteari bideratutako urteroko aurrekontu egonkorra lortzea administrazio eta instituzioen aldetik.
- Bazkideen eta beste hainbat eragileren artean akordioak sustatzea.
- Komenigarria denean, hedabideekin eta argitalpen espezializatuekin harremanetan jartzea EZAEren jardueren, helburuen eta asmoen hedapenerako.
- Bazkideak moralki eta juridikoki babestea.
- Zine areto pribatuen ikuspegi kolektiboa hobetu eta sustatzea, instituzio publikoekin alderatu ahal izateko.
- Zinema-kultura bultzatzea, baita, bide batez, kultura orokorra ere, alderdi eta aldaera guztiak kontuan harturik.
- Zineari buruzko ezagutza zabaldu eta adierazpenerako eta parte hartzeko elementu gisa hedatzea, pertsonen gizarteratzea erraztu asmoz.
- Zinea eta beste kultur adierazpen batzuk ezagutzera emateko guneak sortu, garatu eta hedatzea, gizartean tolerantzia, integrazioa eta kohesioa bultzatzeko.
- Kultura, oro har, hedatzea; bereziki, zinea.
- Zinearen eta, oro har, artearen ikerkuntza, kontserbazioa eta sustapena.
- Zinearen kultura sustatu eta sortzen jarraitzea; eta sorkuntza horren bidez, pentsaera plurala duen publiko kontzienteagoa hezten laguntzea.
- Artearekiko lotura bultzatzea; zinemak aisialdirako gune izateaz gain, balioak, kulturak, ohiturak eta mugak zabaltzeko plataforma gisa ere sustatuz.
- Zinean erabilitako teknika guztien ahalik eta hedapen zabalena lortzea eta egungo baliabideen erabilera sustatzea.
- Zinema-arteen hedapena sustatzea, gure lurraldean lan egiten duten beste entitate batzuekin lan eginez, bai publikoak bai pribatuak.