Bidaiariak, zinemara! Eserlekua hartu eta bidaia zirraragarri batez gozatu euskal eta europar zinema onenarekin. Kanpaina honi esker, 2 euroko deskontua izango dugu hautatutako filmetan, sarrera lehiatilan erosita.
Hauek dira hurrengo asteetan promozioan egongo diren filmak. Zerrenda estreinaldien egutegiaren arabera eguneratuko dugu (Zehaztasun gehiago nahi izanez gero, kontsultatu zure zinemaren karteldegia)
- Azaroak 17: 'La Ermita'
- Azaroak 24: 'Teresa' edo 'El amor de Andrea'
- Abenduak 1: 'Ocho apellidos marroquís'
- Abenduak 6: 'Anatomía de una caída'
- Abenduak 15: 'Los buenos profesores'
- Abenduak 22: A fuego lento
- Abenduak 29: Fallen leaves
- Urtarrilak 5: 'Yo capitán'
- Urtarrilak 12: 'Valle de sombras'
- Urtarrilak 19: 'El correo'
- Urtarrilak 26: 'Los tres mosqueteros: Milady'
- Otsailak 2: 'La tierra prometida'
EZAEko zazpi bazkidek (18 zinema eta 77 areto Gipuzkoan, Bizkaian eta Araban) bat egin dute kanpainarekin: Donostiako SADE taldeko hiru zinemek: Principe, Antiguo Berri eta Trueba; Areto enpresako sei zinemek: Durangoko Gran Cinema Zugaza, Muskizko Meatzari Aretoa, Getxo Zinemak, Bermeoko Nestor Basterretxea, Mungiako Olalde Aretoa eta Urduliz; Golem Alhóndiga; Bilboko Multicines; Gasteizko Gorbeia eta Florida Zinemak; Errenteriako Niessen Zinemak; eta Hirutek enpresako zinemek: Andoaingo Bastero kulturgunea, Zumarragako Zelai Arizti aretoa, Villabonako Gurea aretoa eta Lazkaoko Areria zinema
Aprobetxatu kanpaina eta gozatu zinema pantaila handian!
